Во духот на општествената одговорност и грижата за пациентите, АД МЕПСО донираше 2.767.500 денари на ЈЗУ Специјална болница за гинекологија и акушерство “Мајка Тереза” во скопската општина Чаир. Со овие средства, раководството на болницата набави модерен ехо апарат со цел подобрување на здравствените услуги преку обезбедување на брза и точна дијагностика кај бремените жени и пациентки со гинеколошки проблеми.
“Одлуката за донација ја донесовме во духот на нашата заложба за инвестирање во здравството и поддршка на граѓаните, и претставува конкретна акција која ја отсликува нашата посветеност кон општеството, рече генералниот директор на АД МЕПСО доц. д-р Бурим Љатифи при денешната посета на болницата. “За нас, додаде тој, општествената одговорност не е само даден збор на хартија туку конкретна акција која го прави животот подобар за сите”.
Продолжуваме да инвестираме и помагаме во здравството, да даваме поддршка и да се грижиме за здравјето на секоја жена, за секој нов живот!