Оператор на преносна мрежа

Одделот во својот состав овие служби:

• Служба за испитување на електрична релејната заштита;
• Служба за анализа и пресметки на електричната релејна заштита;
• Служба за одржување на електрична релејна заштита;

Одделот за релејна заштита и секундарни врски е задолжен за исправноста и функционалноста на релејната заштита во електропреносниот систем на Република Северна Македонија. Секој елемент во електропреносниот систем: далекувод, енергетски трансформатор, собирници, енергетски кабел и друга опрема мора да биде заштитен со соодветна заштита.

Исправно и селективно делување на релејната заштита е врвен приоритет за обезбедување на безбедноста на луѓето и на опремата која е приклучена на електроенергетскиот систем во Република Северна Македонија, а истовремено и за квалитетно и постојано напојување на сите потрошувачи на системот. Како резултат на ова Одделот секоја година врши испитувања на релејната заштита и доколку има потреба интервенира или пак ја заменува со нова. Испитувањето го вршат стручни лица вработени во АД МЕПСО кои ги имаат сите потребни сертификати и учества на обуки во тренинг центрите кај сите реномирани производители на релејна заштита и испитна опрема ширум светот. Тие работат со најсофистицирана опрема, софтвер неопходен за изработка на сите потребни пресметки и проверка на селективност на релејната заштита. При појава на испади во електроенергетскиот систем, Одделот зема активно учество во анализата на испадот и предлага мерки. Одделот  за релејна заштита и секундарни врски активно учествува во изградбата на сите нови објекти во електропреносниот систем.

Одделот за ревитализација е организациска единица во состав на подружницата Оператор на преносната мрежа (ОПМ) и негова основна функција е обновување на енергетските постројки на ОПМ.

Во рамки на Одделот за ревитализација функционираат:

• Електро служба;

Врши електромонтажни работи за замена на прекинувачи,  раставувачи, сигнализација и управување.

• Служба за проектна документација;

Врши изработка на монтажни шеми за проекти за изведба и проекти на изведена состојба за прекинувачи и раставувачи.

• Одделение за градежна подготовка на трансформаторски станици;

Врши градежни работи за замена на високонапонска опрема, санација на трафо кади во ТС, санација на кровови во ТС, санација на жичани огради во ТС, санација на бетонски портали и канали, санација на  санитарни чворови во ТС, техничко одржување на административна зграда и трафостаници на АД МЕПСО.

 

Преносната мрежа со која управува и ја одржува АД МЕПСО интегрира повеќе од 50 трансформаторски станици ширум земјава. Од нив 14 се во сопственост на АД МЕПСО, а другите се во заедничка сопственост со компаниите ДСО-а. Одржувањето, модернизацијата и надградбата на опремата се во делокруг на одделот за техничка контрола и одделот за трансформаторски станици.

Дејноста на Одделот за техничка контрола, одржување и испитување на трансформаторски станици ја извршуваат следниве служби:

• Служба за одржување на трансформаторски станици

Службата за одржување на трансформаторски станици е одговорна за навремено и квалитетно одржување на високонапонската опрема во трафостаниците, преку планирани и непланирани активности.
Планирани активности се: прегледи, ревизии, ремонти и замена на ВН опрема. Овие активности се спроведуваат врз база на:
-изготвени планови за набавка на потребната опрема, делови, алат, материјали и сл.;
-изготвени планови за  тековно одржување;
-изготвени извештаи за реализирани активности.

Непланирани активности се интервенции  кои се спроведуваат заради отклонување на појавени недостатоци и дефекти во текот на експлоатацијата на опремата во електропреносната мрежа.

• Служба за изолациски материјали

Врши испитување на масло во енергетските трансформатори, испитување на  SF₆ прекинувачи и
ГХА на мерни трансформатори.

• Служба за испитување

Службата за испитување врши различни видови на испитувања врз основа на кои се врши следење и проценка на состојбата на вградената опрема во ТС.

-Испитување и проценка на состојбата на енергетски и мерни трансформатори;
-Испитување на прекинувачи;
-Испитувања на громобрански инсталации во ТС;
-Испитувања на напон на допир и чекор во ТС;
-Испитување отпор на заземјување;          
-Термовизиски испитувања во ТС;
-Испитување на АКУ Батерии.

• Служба за AC/DC системи и секундарни врски

Периодични прегледи/ ревизии на  AC/DC системи;
Прегледи и стартувања на дизел агрегати;
Периодични прегледи / сервисирање на дизел агрегати.

Работата на Одделот за трансформаторски станици е организирана во следните служби:

• Служба за погонско - технички работи во чиј состав работат:

-градежна група,

-група за погонско-технички работи Охрид;

• Служба за експлоатација, во чиј состав се:

         -   Регионален центар „Скопје“
         -   Регионален центар „Радовиш“
         -   Регионален центар „Битола“
         -   Регионален центар „Штип“
         -   Регионален центар „Тетово“
         -   Регионален центар „Охрид“

Во објектите кои што се заеднички со ЕВН Македонија, ЕСМ, ТЕ – ТО Скопје  и останатите потрошувачи,   во договор со Националниот Диспечерски центар и Диспечерскиот центар на ЕВН и ЕСМ, се извршуваат манипулации со цел навремено и непрекинато снабдување на електрична енергија на потрошувачите.

Непречено се извршуваат сите потребни манипулации и се обезбедуваат  сите безбедносни мерки за реконструкциите на трафнсформаторските станици. Од страна на вработените во Одделот ТС и во соработка со раководителите на Регионалните Центри,  се врши редовно одржување на целокупната секундарна опрема (управување, сигнализација, мерење, АЦ и ДЦ развод) во сите трансформаторски станици.

              Редовни дневни визуелни прегледи на опремата;

              Испитувања на опремата согласно месечниот план;

              Детектирање и отстранување на помали дефекти на опремата.

Од страна на gрадежната група се врши холтикултурно одржување на сите објекти, но се врши  и тековно одржување на целокупната мрежа за водоснабдување како и на сите хидрантски мрежи во нашите објекти.

На ниво на цело АД МЕПСО, Службата за возила се грижи редовно да бидат сервисирани, регистрирани и исправни, вкупно 99 возила:

            -   42 патнички
            -   34 товарни
            -   14 теренски
            -   5 камионети
            -   4 специјални возила – дигалки

Возилата ги користат сите служби во АД МЕПСО заради редовно одржување на електропреносната мрежа во РСМ.

Задачи на службата:

-   Следење, контрола, дефектажа и сервисирање;

-   Контрола и ракување со тешка програма;
-   Регистрација на возила и следење на законска регулатива од областа безбедност во сообраќајот;

 -   Полномошнo за управување на туѓо моторно возило во странство;
 -   Следење на реализација на тендери;
 -   Следење на потрошувачка на гориво;