Дежурните далекуводни екипи на АД МЕПСО, во текот на изминатата ноќ и во раните утрински часови работат на терен и ја следат ситуацијата со огнената стихија која го зафати потегот од Пепелиште кон село Лакавица, каде што транзитираат 400kV далекувод ТС Дуброво - ТС Штип 1 и 110kV далекувод ТС Дуброво - ТС Бучим.
Во координација со тимовите кои учествуваат во гаснењето на огнената стихија, двата далекуводи се исклучени од безбедносни причини, а се со цел овозможување на безбедни услови за интервенции како од воздух, така и од копно. Исклучувањето на далекуводите не предизвикува никакви последици во тековното снабдување со електрична енергија.
Според одлуката и препораките на Владата за кризната состојба поради пожарите во траење од 30 дена, екипите на АД МЕПСО, своите тековни теренски активности ќе ги насочат кон превентивно и активно учесто во следење на состојбите со пожарите во близина на далеководните траси.