Përforcimi i rrjetit për integrimin e BRE-ve përmes ndërtimit të trafostacioneve të reja dhe largpërçuesve; modernizimi dhe digjitalizimi i rrjetit, lidhja me operatorët fqinjë të transmetimit, integrimi në tregun rajonal energjetik dhe rritja e sigurisë së furnizimit, janë disa nga prioritetet kyçe të Planit për zhvillimin e sistemit elektrotransmetues për periudhën 2025-2035, i cili u prezantua në debatin е sotëm publik.
Përfaqësues të kompanive energjetike, Komisioni Rregullator për Energjetikë, AShAM dhe investitorë privatë diskutuan për drejtimet dhe prioritetet për zhvillimin e rrjetit elektrotransmetues, të cilat kompania i planifikon për të përmbushur nevojat e ekonomisë vendase dhe për të siguruar integrimin e pandërprerë të BRE-ve.
Plani i ri për zhvillim, i përgatitur nga Shërbimi për planifikim strategjik dhe analiza zhvillimore dhe Shërbimi për lidhje (kyçje), është mburrje e jona sepse përmban të gjitha planet dhe vizionet tona për të siguruar një sistem elektrotransmetues të sigurt, të besueshëm dhe modern, deklaroi drejtori gjeneral Burim Latifi.
Ky Plan për zhvillim vjen në një periudhë me sfida të mëdha në sektorin e energjetikës, në një kohë kur ka një fluks kërkesash për integrimin e BRE-ve. Ky është një dokument që parashikon shumë projekte zhvillimore të cilat duhet të sigurojnë menaxhim të qëndrueshëm të sistemit, përmirësim të shpërndarjes dhe cilësisë së energjisë elektrike, si dhe lidhjen e burimeve të tjera të energjisë, potencoi kryetari i KRE-së, Marko Bislimovski.
ShA MEPSO njihet në rajon si lider në energjetikë, tha përfaqësuesja Valentina Stardelova nga Ministria e Energjetikës. Përveç burimeve të ripërtëritshme të energjisë, në periudhën në vijim ShA MEPSO do të përballet edhe me sfidat që sjell futja e sistemit të baterive në rrjetin e transmetimit.
Me investime të vazhdueshme në përforcimin, zgjerimin, modernizimin dhe digjitalizimin e rrjetit do të jemi të përgatitur për sfidat që vijnë nga integrimi i BRE-ve dhe menaxhimi i tyre, deklaroi Branka Vasić nga Shërbimi i planifikimit strategjik dhe analizës zhvillimore.
Për realizimin e projekteve të parapara në Planin zhvillimor do të përdoren mjetet vetanake të ShA MEPSO dhe mjetet e siguruara me hua nga BERZH dhe grante nga WBIF (Western Balkan Investment Framework) dhe CIF (Climate Investment Fund).