Në frymën e përgjegjësisë shoqërore dhe kujdesit për pacientët, ShA MEPSO dhuroi 2,767,500 denarë për IShP - Spitali special për gjinekologji dhe obstetrikë “Nënë Tereza”, komuna e Çairit , Shkup. Me këto mjete, drejtuesit e spitalit e panë të nevojshme blerjen e një aparati modern eko me qëllim përmirësimin e shërbimeve shëndetësore përmes sigurimit të diagnostikimit të shpejtë dhe të saktë për gratë shtatzëna dhe pacientet me probleme gjinekologjike.
“Në frymën e angazhimit tonë për të investuar në shëndetësi dhe për të mbështetur qytetarët, morëm një vendimin për donacion, i cili përfaqëson një veprim konkret që pasqyron përkushtimin tonë ndaj shoqërisë,” deklaroi drejtori gjeneral i ShA MEPSO, doc. dr. Burim Latifi, gjatë vizitës së sotme në spital. “Për ne,” shtoi ai, “përgjegjësia shoqërore nuk është thjesht një premtim në letër, por një veprim konkret që e bën jetën më të mirë për të gjithë.”
Vazhdojmë të investojmë dhe të ndihmojmë në shëndetësi, të ofrojmë mbështetje dhe të kujdesemi për shëndetin e çdo gruaje, për çdo jetë të re!