Në kuadër të konferencës vjetore për digjitalizim të Odës ekonomike amerikane (AmCham), drejtori gjeneral i MEPSO-s, Doc-Dr. Burim Latifi, mori pjesë në panel-diskutimin dedikuar digjitalizimit dhe sigurisë kibernetike në sektorin energjetik. Së bashku me ekspertë nga KRE, EVN, Cisco dhe Tessa Group, u trajtuan tema të lidhura me modernizimin e rrjeteve elektroenergjetike, teknologjitë smart-grid, monitorimin e avancuar digjital dhe sfidat që rrjedhin nga rregulloret e reja ligjore. Theks i veçantë u vendos në mbrojtjen e infrastrukturës kritike energjetike, e cila paraqet një nga parakushtet më të rëndësishme për një sistem energjetik të sigurt dhe të qëndrueshëm. Si operator nacional i transmetimit, MEPSO vazhdon të marrë pjesë aktive në proceset e transformimit digjital, duke e shtyrë vendin drejt një pjekurie më të lartë digjitale, sigurie dhe efikasiteti